Niregatik, zuregatik.. GUREGATIK.

Egunsentiak ez dauka zentzurik, ez du argitzen gela ilun hau.. Zure arnasa sentitzerik ez badut, atsekabeak irentsiko nau..
Bakardadea jasanezina da eskutik heldu zenidanetik.. Arren eskatzen dizut hemen eta orain , eutsi nazazu indarrarekin !

Zein ederra den..

Eta zein ederra den mundua lainoetatik ikustea, zein ederra den mundua beste aurpegitik jarria, mundua den bezala ikusterakoan eta irudimenean irudikatutako mundua izatean.Ametsen mundu honetatik, paradisutik. Sentimenduak, ikuspuntuak eta malkoak existitzen diren berberetik; ezer isildua ez den leku honetatik, hitzak guztiontzako daudelako, batzuenak isiltzen hasteko eta besteenak oihukatzeko. Ametsak bezalaxe, sentimenduen antzera eta malkoen bidearen araberakoa dela dena, irri baten bortizkeriaren menpekoa.

Alaitasun dosi bat,

Aske naiz isilpean, ametsetan, nire irudimenean. Imajinatutako errealitate horretan, desitxuratutako hitzetan, asmatutako egoeretan, esnatu eta zapuzten diren horietan, dena zure eskuartean izatetik hauts bihurtzen den amets berean ..  

 

Legetatik urrun eta malkotatik gertu.

Bide luzea da bizitza eta ongi aukeratu behar da norekin bizi nahi duzun. Benetan maite zaituen pertsonarekin bizi behar da, inporta zaizuna eta ongi sentiarazten zaituen pertsonarekin. Minutu soil batean aldatu al da zure etorkizuna, eta zoritzarrez iragana aldaezina da. Sentimenduak ez dira betirako, oroimenak berriz, bai. Maitasuna oso polita da, baina ostean datorren ekaitza ez da batere erreza. Segunduak, minutuak edo orduak behar dituzu erantzun soil bat aldatzeko, pentsaera bat aldatzeko, bihotz bat apurtzeko. Korrika hasteak ez du jada ezertarako balio, oroimenak erretzeak ez du balio, aurrera begiratu behar da, atzean ez da ezer ez zoriontsu egin al zaituena. Zaila den guztia ez da ezinezkoa, bakardadea ez da betirako. Eguzkia aterako da ekaitza baretzen denean, agian luzea izango da, baina eguna helduko da. Duela asko ez nintzela pasatzen amets galduen geltoki bakarti horretatik. Begiradak, besarkadak, musuak, malkoak, ezinezko irribarreak.. bizitza ziklo bat dirudi, ongi hasi eta gaizki bukatzen den zikloa, batzuetan laburra eta besteetan amaigabea dirudi. Eta bai, bizitzako bidea une asko ditu, eta gehienak ez dira batere errezak. Zalantzak, pentsamenduak eta erantzunak zuk zeuk pentsatu behar dituzu, eta unea iritsiko da, eta inork ezingo zaitu lagundu eta zuk pentsatu beharko duzu dena, egingo duzun dena, pauso bakoitza..

Zaila da aurrera egitea, baina egin behar duguna da..

Hoberena da, ihesi atera, muga guztiak zeharkatu, korrika hasi inoiz ez gelditzeko, jende guztietaz ihes egin, gauza guztiak alde batera utzita. Momentuan dena berdin du, momentuan dena utziko zenuke alde horretatik joateko, burua hartuz eta pentsamendu guztiak hor utzita. Mundu perfektu bat egiten amesten dugu, handitan printzipe urdin horrekin ezkontzeaz, `maite zaitut` horrek betirako izatea.. Gauza asko ikasi behar ditugu, pausoz pauso gauzak ongi egiten. Momentuan gauzak esan gabe esaten ditugulako, momentuan bi pentsamendu horiek bat egin behar ditugulako, eta zaila da. Bai, dena zaila da, baina negar egitea, errezena izan arren, bere alde txarrak ditu, den dena bezala..

Hurrun joan zaitez, inork aurkitu ezingo zaituen lekura, baina zurekin eraman nazazu.-

Badakizu zer gustatuko litzaidake gaur egitea? Gaur ilargia behatzekin ikutu nahiko nuke, bi lekutan aldi berean egon, edota hirutan, kristalak atximurkatu, urezko kuboak eguzkiaren kontra bota, hodeitik hodei salto egin, munduaren bukaerara ailegatu. Gaur prest nago ezinezkoa egitera pozik sentitzeko. Nire negar tantak irentziko ditut gaziak izan arren,  beharbada irrifarre bat margotuko dut nire aurpegian ,eta guztiaren gainetik, nirekin eramango zaitut. Eta erortzen bagara ? Altxatuko gara. Eta galtzen bagara ? Gure artean gidatuko gara, baina benetan kontuan hartzen dena betirako elkar egongo garela da, betirako maitia. Eta leku harrigarri horretara helduko gara, guztiek horri buruz hitz egiten dutena, baina inork ez duenak ezagutzen.

Zerbait galtzen duzun arte, ez zara konturatzen zenbat maite duzun.

 

Zain ezazu maite duzun hori..